മരുഭൂമിയിലെ പരുമല ആയി അറിയപ്പെടുന്ന ഷാർജ സെന്റ് ഗ്രീഗോറിയോസ് ഓർത്തഡോൿസ് ഇടവകയിലെ ആദ്യഫലപ്പെരുന്നാളിന്റെ ന്റെ ഭാഗമായി നടത്തപ്പെട്ട സാംസ്കാരിക സമ്മേളനം ബഹു ഉന്നത വിദ്യാഭ്യാസ മന്ത്രി ഡോ R.ബിന്ദു ഉദ്ഘാടനം ചെയ്തു "മനുഷ്യർ തമ്മിൽ പതിലുകൾ കെട്ടാനല്ല സ്നേഹബന്ധത്തിന്റെ പാലങ്ങൾ കെട്ടാനാണ് ക്രൈസ്തവ മതം പ്രേരിപ്പിക്കുന്നത് അത്തരം ഒരു കുടകീഴിൽ നിന്നുകൊണ്ടാണ് ആദ്യഫലപ്പെരുന്നാൾ പോലെയുള്ള കൂട്ടായ്മകളുടെ ഉത്സവം സംഘടിപ്പിക്കുന്നത്. എല്ലാത്തരം വിഭാഗീതകൾക്കപ്പുറത്തു മനുഷ്യൻ എന്ന മാനവികമായിട്ടുള്ള സ്നേഹത്തിനു പ്രാധാന്യം കൊടുക്കണം എന്നാണ് കൊയ്ത്തുത്സവം പോലുള്ള കൂടിച്ചേരലുകൾ നമ്മെ ഓർമ്മിപ്പിക്കുന്നത്. അതിർവരമ്പുകൾ തട്ടിക്കളയുന്നതരത്തിലുള്ള സ്നേഹത്തിന്റെ അതി ശക്തമായ പ്രവാഹം അതാണ് നമ്മൾ ഉറപ്പാക്കേണ്ടത് അതിനായി ഇതുപോലെയുള്ള ആഘോഷങ്ങൾ നമ്മെ പ്രേരിപ്പിക്കട്ടെ എന്ന് ബഹുമാനപ്പെട്ട മന്ത്രി ആശംസിച്ചു .
വികാരി വന്ദ്യ ഫിലിപ്പ് എം സാമുവേൽ കോർ എപ്പിസ്കോപ്പാ അധ്യക്ഷം വഹിച്ചു
ഡൽഹി ഭദ്രാസന മെത്രാപ്പോലീത്താ ഡോ യൂഹാനോൻ മാർ ദിമിത്രിയോസ് അനുഗ്രഹ പ്രഭാഷണം നടത്തി സഹ വികാരി. ജിജോ തോമസ് പുതുപ്പള്ളി, ഇന്ത്യൻ അസ്സോസിയേഷൻ പ്രസിഡന്റ് അഡ്വ വൈ.എ റഹിം
ഇടവകഭാരവാഹികളായ ട്രസ്റ്റി ജോൺസൻ വർഗീസ്, സെക്രട്ടറി ശ്രീ ജിബു കുര്യൻ ഭദ്രാസന കൗൺസിൽ അംഗം മനോജ് മാത്യു ജോയിന്റ് സെക്രട്ടറി ഷാജി മാത്യു, കൺവീനർ ഷിബു വർഗീസ്എന്നിവർ പ്രസംഗിച്ചു.. കൂട്ടായ്മയുടെയും ഒത്തൊരുമയുടെയും പ്രതിഫലനമായിരുന്നു ഈ ഉദ്യമം. ഇടവക അംഗങ്ങൾ തന്നെ പാകം ചെയ്ത ആഹാര സാധനങ്ങൾ എന്നതായിരുന്നു പ്രത്യേകത. നാട്ടിൽ നിന്നും പ്രത്യകം വരുത്തി പാകം ചെയ്ത കപ്പ അതോടൊപ്പം മീൻകറിയും ഉൾപ്പെടെ എല്ലാവിധ കേരള ഭക്ഷണ വിഭവങ്ങളും ഉത്തരേന്ത്യൻ / ചൈനീസ് വിഭവങ്ങളും, കൂടാതെ ഹൌസ്ഹോൾഡ് ഐറ്റംസ് ലഭിക്കുന്ന കൗണ്ടറുകളും ഇതോടനുബന്ധിച്ചു പ്രവർത്തിച്ചു മേളം ദുബായ് അവതരിപ്പിച്ച ചെണ്ടമേളം, ഗാനമേള മിമിക്രി,മാജിക് ഷോ, വള്ളപ്പാട്ടു എന്നിവയും നടത്തപ്പെട്ടു.